Health

Stroke despues di ataca di curason:

Written by Super User. Posted in health

Peliger por persisti pa lunanan

Despues di un ataca di curason, bo risico pa un stroke ta mas largo pa loke ta kere, segun resultadonan preliminar di un estudio nobo. “Un ataca di curason ta un factor di riesgo di un stroke pa por lo menos 3 luna,” segun investigado y Dr. Alexander Merkler, un assistent di profesor di neurologia na Weill Cornell Medical College na New York City.
“Esey ta e noticia mas grandi, pasobra tur data cu nos tin te cu awo ta sugeri cu ataca di curason ta solamente un factor di riesgo di 1 stroke pa luna,” el a bisa. No ta cla pakico ataca di curason ta hisa e riesgo di stroke, Merkler a bisa. Por ta cu e daño na e curason ta causa klompi cu ta bay p’e celebro.
Loke a wordo haya lo cambia e forma cu nos ta pensa di e relacion entre ataca di curason y storke. E practica actual ta pa haya pashentnan bebe pildo antiplatelet, manera aspirin, despues di un ataca di curason. Pero e informacionnan aki ta sugeri cu pashentnan lo mester thinner di sanger pa preveni klompi, segun e profesor. Mester mas estudio pa mira cua ta traha miho.
Investigadonan a mira mas di 1.7 miyon pashent di Medicare, di cual mas di 46.000 tabata hospitalisa pa ataca di curason y 80.000 pa stroke. E investigadonan a haya un riesgo mas halto di stroke entre pashentnan cu a haya ataca compara cu esunnan cu no a sufri di ataca di curason. E riesgo mas grandi tabata den e prome luna di ataca di curason despues cu pashentnan a sali di hospital.
Pero e riesgo ta keda halto durante 5 pa 12 siman despues di a sali, el a agrega. Despues di 12 siman, e riesgo ta mustra di regresa pa un nivel di “pre-heart attack”. Dr. Gregg Fonarow, cardiologo di Universidad di California, Los Angeles, a bisa cu estudionan prome a mustra cu despues di ataca di curason, ambos muhe y homber tin riesgo grandi pa stroke.
Pero e tempo ora cu e riesgo ta grandi no ta sigur, segun Fonarow, kende tambe ta dirigi Ahmanson-UCLA Cardiomyopathy Center. E estudio nobo aki a haya riesgo grandi di stroke durante e prome 4 siman despues di a sali for di hospital, pero ta persisti pa 12 siman sin importa e tipo di ataca di curason, el a bisa. “Loke a haya ta mustra e necesidad mas efectivo di preveni y trata ataca di curason pa yuda alivia e potencial di haci zwak e riesgo di stroke,” Fonarow a bisa, kende no tabata envolvi cu e investigacion.

A presenta e estudio diadomingo durante un reunion na American Neurological Association, na Atlanta. E estudio presenta na e reunion usualmente ta considera preliminar te ora cu publica esaki den un “peer-reviewd medical journal.”