News

Martin Lawrence ta confirma cu ‘Bad Boys 3” banda di Will Smith

Written by Super User. Posted in news

Mas tempran e luna aki, e rumor a cuminsa core cu ‘Bad Boys For Life’ tabata programa pa cuminsa cu filmacion proximo aña tanten cu e pelicula no sufri di ningun contra tiempo mas. E di tres pelicula di e serie ‘Bad Boys’ ta wordo masha anticipa pa mas di 15 aña caba. Will Smith y Martin Lawrence ta cla pa reuni pa pelicula, cu a pasa door di man di varios director.
Michael bay tabata na cabes di e prome dosnan, demostrando su amor pa explosivo y tambe pa un storia interesante den cada un di nan. Awo, Adil El Arbi y Bilall Fallah lo sinta den e stul di director pa e pelicula aki. Riba Halloween Martin Lawrence a publica un potret riba Instagram y a bisa ‘E ta un e hecho, ‘Bad Boys For Life’ ta cla pa cuminsa filma’ esaki el a pone bou di e potret.
 
E storia di e pelicula ta cu e personahe di Lawrende ta trahando como detective priva despues di a pleita cu e personahe di Smith, cu ta pasando door di un midlife crisis como un soltero kende ta cla pa Madura, tur esaki mientras cu e tin cu trata cu un pareha no jong y cu idea kende ta leal na dje pero e no ta haya esaki bek. Pero ta haya un coneccion cu Lawrence ora cu nan topa cu otro.

Lawrence y Smith ta uni na momento cu un villano Albani ta bin dilanti pa asina regla asunto cu nan. Pues si bo tabata fanatico di e serie aki keda pendiente pa e di tres pelicula cu ta na caminda.