News

Fanatico aresta despues di a tira bleki di cerbes y daña e trofeo

Written by Super User. Posted in news

Polis di Boston a aresta un homber cu ta wordo acusa di a tira un bleki di cerbes durnate di e parade di celebracion despues cu Red Sox a gana e Serie Mundial di Baseball. Polis a bisa cu e homber di 19 aña Patrick Connolly, a wordo acusa di mal conducta y as alto cu un arma peligroso.
Polis a bisa cu el a dal pero no lastima un homber cu nan no a identifica cu tabata sinta den e duckboat cu tabata hiba e hungadonan y nan famianan durante di e parade diarason ultimo. No tabata cla inmediatamente si e belki di cerbes cu Connolly a tira ta e mesun cu a dal den e trofeo y daña esaki ni tampoco si e homber cu el a dal tabata un di e hungadonan. Durante di e parade di celebracion di New England Patriots fanaticonan tabata tira cerbes y hungadonan tabata gara esaki y bebenan, pero e hungadonan di Boston no tabata mucho contento cu esaki diarason cu a pasa.
Potret y video nan tabata mustra con un bleki a dal manager Alex Cora y dos otro a hera dal candidato di MVp Mookie Betts. Niun di dos tabata lastima seriamente y e no a stop e gran celebracion cu tabata tumando luga. Ora cu nan a aresta Connolly el a bisa cu e ta stima e ekipo y e manager no tabata su intencion pa dal ningun hende.

 Betts a gara algun y el a dal varios hala nan un banda. ‘E cos aki echt tin cu stop’ asina e hungado a bisa Globe. Betts su famia incluyendo su mama tabata den e duck boat. Varios hungado a sea gara of hala pa blekinan cu a wordo tira pa nan, incluyendo Xander Bogaerts. Publico tabata super grandi banda di caminda pa saluda y celebra hunto cu e ekipo ganado.