News

Den intento di saca un selfie dama ta daña obra di arte di Salvador Dali y Francisco Goya

Written by Super User. Posted in news

Un potret tin balor di 1000 palabra, ki balor un selfie tin? Un grupo di dama na Russia lo por haya sa esaki pronto despues cu un di nan a purba saca un selfie y acidentalmente a benta un structura abou na e International Arts Center Main avenue. E structura tabata caraga dos obra, segun informacion duna door di e museo.
Un camara di seguridad a graba tur cos y ta mustra cu e tres personan aki tabata mirando arte den e galleria ora cu un di e structuranan cu dos obra den dje ta cay. Y un persona ta wordo mira tras di e structura cu a cay. Segun informacion e dos obranan ta inclui Francisco Goya su obra Los Caprichos cu ta parti di un seriea y tambe un obra di Salvador Dali. E obra di Goya ta di e colecion personal di e doño di e galleria. Esun di Goya a kibra e glas y e frame cu e ta aden, y esun di Dali aparte di a kibra e glas y frame, e pintura mes tambe a sufri daño door di e caida.
Minister di cultura a pidi polis husticia pa e obranan di arte aki. Nan a logra identifica e damanan aki cu ora a wordo interoga a splica cu esaki tabata un accidente mirando cu nan djiskier a saca potret cu e obranan den background y nan a mishi acidentalmente cu e stand y asina e cosnan a cay. E galleria a nenga di habri un caso criminal contra di e damanan aki.