Music

Icons by Gio a debuta den gran forma durante di fin di siman na Corsou

Written by Super User. Posted in music

Den un WTC completamente yen tur e generacionnan di Gio Fuertismo a topa otro pa asina yama bon bini y ta parti di e debut di e gran espera banda nobo Icons by Gio. Apesar di basta fayo tecnico cu zonido no por kita cu e bon ambiente y presentacion cu tur e generacionnan di Gio a yega di presenta tabata tey pa asina un y tur por a gosa.
Icons su frontline ta uno carga cu talento cu sigur un y tur a disfruta di dje. Cuminsando cu Amoroso, Hunely, Dju Dju V, Ivanhoe y e mas nobo den e mundo di farandula na Corsou Steven. Presentando nan exitonan nobo manera ‘Mira nos basila’ y ‘Bo mester ta akiden’ a yena pista por completo. A presenta tambe cacionnan nobo cu ainda no a sali como tambe algun exito bieu di cada un di e cantantenan. Mesora tambe e banda a confirma cu nan lo ta den Festival di Tumba Corsou. Di e forma aki mes ora a mustra cu nan tey pa keda y ta trahando duro pa haya nan luga den e mundo farandulero den Caribe mundialmente. Masha pabien na e banda completo y nan organisacion pa un spectacular debut.

Awo…Aruba bo ta cla pa nan prome presentacion pa aki na Aruba hunto cu Buleria dia 1 di Dec. Prepara pa disfruta di e tremendo ambiente sigur.