Trendz

Prome hotel bou di awa a habri su portanan na Maldives

Written by Super User. Posted in trendz

Pa prome biaha bo tin e oportunidad pa drumi cu e piscanan y e no ta nifica cu bo lo caba manera e actornan den e pliculanan di mafia. Conrad Maldives Rangali a habri e prome hotel bou di awa. E ta mas cu djis un camber, e villa di dos piso ta situa mas di 16 pia bou di awa den e oceano Indio.
Su nomber ta ‘Muraka’ cual ta nifica coral den Maldives su idioma local cu ta Dehivehi. Fura di un cama, baño y otro componentenan tipico di un camber di hotel, Muraka ta hiba bon a un otro nivel cu un gym priva, un pool infinito, camber pa sirbiente, y un badkuip cu cara pa lama y mas importante cu tur otro cos un camber bou di awa cu bistanan bou di lama incomparable.
E top vloer ta riba awa tin un veranda pa relaha. E prijs bo kier sa, well e ta costa 50mil pa anochi, maske cu bo no por book e pa un solo anochi. Bo mester book e pa minimo 4 anochi pa un pakete di 200 mil dollar cu ta inclui un chef personal cu ta percura pa tur cuminda y tambe un boto priva pa hiba bo na e cas. Esaki no ta e prome camber di e hotel aki bou di awa. Nan tin un restaurant tambe bou di awa.