Idris Alba ta bira revista People su ‘Sexiest man Alive’

Fanaticonan di ‘The Wire’ y ‘Luther’ ta sumamente contento y totalmente no sorprendi.semper el a impresiona tur hende den ‘The Wire’ y den ‘Luther’ y varios biaha a wordo considera pa bira e proximo James Bond, pero e aña aki Idris Alba tin un rol nobo como revista People su ‘Sexiest man Alive’. Jimmy Fallon a anuncia e gran noticia den ‘The Tonight Show’ dialuna ultimo den un combersacion directo cu Elba for di London.
Fallon a logra pa Alba haci un mirada sexy y un mirada dushi mescos cu el a haci pa e portada di e revista y Elba a bisa ‘Mi ta sumamente contento cu esey, mi mama ta bay ta sumamente orguyoso di mi’.Y despues el a mustra su bicep.
Elba ta yiu di imigrantenan Africano cu a crese den e parti oeste di London. El a bisa e revista ‘Mi tabata un bon mucha, pero mi mayornan tabata hopi estricto. Ora mi tabata tin 14 aña, manera mi mustashi a crece, mi tabata cla pa ta riba mi mes’.
E actor Ingles ta actuando for di aña 1990 pero a bira super popular na Merca na momento cu el a cuminsa hunga e rol di Stringer Bell den e serie ‘The Wire’. El a presenta den shownan manera ‘The Office’ y peliculanan manera ‘Thor’ pero a haci un impacto mas grandi ora cu el a protagonisa ‘Luther’ na 2010. Tambe el a yega di wordo menciona varios biaha como candidato posibel pa hunga James Bond, pero Elba a confirma na augustus cu e no lo tuma e rol over di e actual Bond Daniel Craig.
Na Februari el a compromete su mes cu e modelo Sabrina Dhowre y e tin dos yiu Isan y Winston tur dos di un relacion anterior. ‘Mi ta super dedica, hopi brasa y sunchi y ki ora cu ta mi ta bisa mi stima bo. Mi ta sigur cu mi yiu muhe ta pensa manera Ok Pa ta basta, ta bon mes cu  mi yiu homber ainda ta gusta esaki’, asina el a bisa di su yiunan.