Yega Carnival Village diasabra awo

SETAR ta invita un y tur pa e “X-Man Celebration”
 

Como un orguyo grandi SETAR a uni cu Gobierno di Aruba y Aruba Tourism Authority pa organisa un evento grandi. Hunto lo ta celebra e logro grandi di nos beisbolista estelar Xander Bogaerts.
Dia 28 di october Xander Bogaerts hunto cu su team Boston Red Sox un biaha mas a logra e titulo di MLB World Series Champions. Pa duna elogio na e logro di Xander, Aruba completo ta keda invita pa un anochi di celebracion, cu ta tuma lugar diasabra, 10 di november, 2018 na Carnival Village, cuminsando for di 6’or di atardi.

A prepara un programacion bunita pa yama Xander bon bini na Aruba, gradici y felicit’e pa su gran logro tanto personal como pa henter Aruba. Lo ta un anochi yena cu ambiente, musica, cuminda y mucho mas. Henter famia ta keda cordialmente invita pa bin presencia e evento dedica pa na nos Arubiano Xander Bogaerts.