News

Hulandes di 69 aña ta cuminsa cu tramite legal pa haci su mes 20 aña mas hoben

Written by Super User. Posted in news

Gaña bo edad riba un website pa date ta considera manera algo malo. Pesey awo un homber Hulandes di 69 aña kier pa corte dicta y haci e oficialmente 20 aña mas hoben, comparando esaki cu esnan cu ta cambia nan identidad por ehempel esnan transgenero. Emile Ratelband a lansa un peticion legal pa haci su edad 20 aña mas hoben pa asina e por mehora su chensnan di haya un cita cu un hende muhe riba aplicacionnan manera Tinder como tambe yuda e cu su prospectonan di trabou, esaki ta raportahe di media Hulandes.
‘Bo por cambia bo nomber. Bo por cambia bo genero sexual. Pakico no cambia bo edad? Ata bo aki awo tur descrimina tur pa via di bo edad’, esey ta loke cu Ratelband a bisa e corant De Telegraaf den un entrevista. Dialuna el a pidi corte na Arnhem pa cambia su fecha di nacemento for di Maart 11 1949 pa Maart 11 1960. El a splica corte cu e ta sufri cu e edad di 69 mientras cu e ta sinti e 20 pa 25 aña mas hoben.
Segun e corant, corte ta bastante sceptico riba e topico aki y aisna mas mirando cu legalmente nunca antes tabata tin algo asina. E caso ta wordo discuti actualmente y aki 4 siman nan lo duna veredicto di esaki. ‘Si mi pone cu mi tin 69, mi no lo haya ningun contesta.

En cambio si mi pone cu mi tin 49 mi lo haya un cantidad di contesta’, asina Ratelband a sigui bisa.