News

Varios celebridad saca for di nan cas debi na candela na California

Written by Super User. Posted in news

Celebridadnan ta entre e milesnan cu a wordo ordena pa evacua pa motibo di e candelanan grandi na California. Varios di nan tin cas na e area costal di Malibu como tambe e barrio rico di Calabasas, cual ta parcialmente bo di evacuacion pa motibo di e candela grandi den Ventura y otro barionan di Los Angeles.
Cantante Robin Thicke a perde su cas por completo. Su pareha April Love Geary a pone riba Instagram un potret cu esaki skibi ‘Nos cas a bay’. Actris Shannon Doherty, cu a actua den Beverly Hills 90210 y Charmed, tambe a perde su cas na Malibu. El a skibi riba Instagram ‘esaki ta e luga unda mi a cas
Pero prome cu esey e tabata unda mi a keda ora mi tata a fayece. E ta e luga na unda mi tabata sinti mi tata cu mi. Y awo e no tey mas. E candela a bay cune. Mi ta totalmente kibra pa loke cu ta pasando, mi curason ta kibra’. Martin Sheen ta kere cu el a perde su cas den e candela di Woolsey, cual ya caba a cobra dos bida. E actor di West Wing a bisa cu nunca el a wak un candela asina intense y e ta asumi cu su cas tambe a bay perdi den e candela feros aki. Otro artistanan manera Cher, Liam Payne y Melissa Etheridge ainda no ta mucho sigur di kico a pasa cu nan cas. Cantante Jessica Simpson a tweet cu e mester e angelnan pa keda rondona su cas.
Actor Orando Bloom a comparti un potret riba Instagram serca di e sero y a skibi ‘Esaki ta dos caya despues di esun dimi. Resando pa seguridad di henter mi famia di Malibu, y sumamente agradecido pa e brandweernan cu curashi, por fabor cuida curpa’. Lady Gaga a publica un potret di su mes evacuando su cas na Malibu riba Instagram y bo por a wak e huma den e aire. Kim Kardashian West a comparti un storia riba Instagram cual tabata mustra candel na barica di e sero serca di Hidden Hills unda cu e ta comparti cas cu su casa Kanye west y nan yiunan. El a bisa ‘Resa pa Calabasas. Mi a caba di yega cas y mi tabata tin 1 ora pa paketa y evacua nos cas.
Mi ta resa cu tur otro hende tambe ta bon’. Tanto Khloe y Kourtney mester a evacua nan cas. Alysa Milano tambe mester a evacua su cas. Will Smith a bisa den un storia riba Instagram cu nan cas tabata mas o menos 8 mia leu di unda e candela ta y ainda nan no a bisa nan pa evacua. Pero su yiu muhe tabata hopi nervioso pa cu e situacion. Diasabra ABC a bisa cu e mansion unda nan ta filma e programa ‘The Bachelor’ a sobrevivi, pero ya caba pa diadomingo nan a anuncia cu e cas a wordo destrui.

 Varios cas di filmacion di serienan popular tambe a bay perdi. Artistanan manera Miley Cyrus y Hugh Jackman tambe a perde nan cas y otronan hunto Khloe Kardashian ta hibando alimento pa e cuerpo di bomber trahando.