Health

Dia Mundial di Diabetis: Sugerencia cu lo por baha e riesgo di diabetis

Written by Super User. Posted in health

November 14 ta e dia cu mundialmente atencion ta wordo duna na e malesa di diabetis, cual tin como meta pa lanta e concientisacion di e malesa y encurasha esnan cu ta core e riesgo pa controla nan mes na docter. Cu hopi estudio haci enfocando riba e estilo di bida cu ta asocial cu diabetis, nos pone algun estudio haci recientemente hunto cu ta sugeri cambionan cu bo lo por haci pa aisna baha bo riesgo den desaroya e malesa aki.

 

Purba di traha tempo a bo mes: Investigadornan Canades a sigui 7065 trahado entre edad di 35 pa 74 den un periodo di 12 aña y a saca afo cu hende muhe cu traha 45 ora of mas pa siman tin 63% mas chens den desaroya diabetis compara cu muhernan cu 35 pa 40 ora di trabou. Nan no a haya un asociacion entre diabetis y ora di trabou serca hende homber.
Drumi un cantidad optimal di ora: Investigadornan Koreano a haya como resulta cu si bo drumi mucho hopi of mucho poco lo por subi e riesgo pa desaroya un syndrome metabolico. Un nivel halto di cholesterol, presion halto y nivel di sucu halto te hasta ora cu no a come ainda. Pesey ta importante pa no drumi menos cu seis ni mas cu 10 ora pa anochi.
Haci poco ehersicio: Un estudio Europeano  a saca afo cu te hasta serca mucha, ehersicio fisico por reduci un acumulacion di riesgo pa desaroya diabetis tipo 2 y problemanan cardio vascular, como hoben y tambe despues den bida. Pesey mes ta importante pa move te hasta si ta na e nivel mas abou di ehersicio.
Stop di huma: Un estudio grandi haci riba 512891 hende na China entre edadnan di 30 pa 79 aña a duna como resultado esnan cu ta huma regularmente tin 15 pa 30 porciento mas chens pa desaroya diabetis compara cu esnan cu no ta huma. E combinacion di huma y ta obeso ta haci e chens ainda mas grandi.

Duna bo bida social un boost: Segun un estudio Hulandes, un bon bida social por yuda bo baha e riesgo pa desaroya diabetis typo 2 y pre-diabetis. Isolacion social ya caba ta conoci manera un factor pa desaroya e malesa. E estudio a demostra cu mas activo un hende su bida social ta menos chens e tin den desaroya algo.