Events

Mana lo wordo honra durante di Latin Grammy como persona di aña

Written by Super User. Posted in Events

Banda Mexicano di rock Mana lo wordo honra como Latin Recording Academy como persona di aña 2018 den e tremendo evento awe nochi, esta e Grammy Latin Award. Cantante principal Fher Olvera, drummer Alex Gonzalez, gitarista Sergio Vallin y bahista Juan Calleros lo wordo reconoci durante e evento cu lo tuma lug ana Las Vegas.
Esaki pa e logronan di e banda y nan contribucion na e comunidad Latino y sosten di e proteccion medioambiental y casonan di derecho human. Un variedad di streanan Latino, incluyendo Pepe Aguilar y grupo di pop Piso 21, lo presenta algun di e banda su exitonan mas grandi y influencial. ‘E banda Mana a cuminsa for di un nivel hopi abou. Tur loke cu pasa den nos bida artistico pa nos ta un sorpresa masha grandi, pues pa yega na e punto aki cu nos ta wordo nombra persona di aña [a Grammy Latino e ta un logro sumamente grandi.
Si a wordo masha inspira pa e noticia aki’, asina Fher Olvera a bisa prensa asocial den un conferencia. Mana a gana 6 Latin Grammy y a lansa 48 exito cu a yega na number 1 mundialmente. Nan repertorio ta imclui clasiconan manera ‘Vivire sin Aire’, ‘Cuando los Angeles Lloran’ y ‘Rayando el Sol’. Mana a trece concientisacion riba e medio ambiente, problemanan social, politica y derechonan humano pa mas di 30 aña pa medio di nan canticanan y mas recientemente via di rednan social.
E banda a establece un fundacion caritativo pa sostene ecologia yama ‘Selva Negra’ na 1996. E ta traha pa perserva especienan den instincion, nan ta ofrece programanan educacional di medio ambiente y ta organisa projectonan pa desaroyo di comunidad. Mana tambe a promociona e voto Latino den Estados Unidos y publicamente a anuncia cu nan ta contra di loke cu nan ta considera inhusticia social cu ta tumando luga den paisnan manera Venezuela, Nicaragua y Bolivia.

Otro artistanan cu a yega di ricibi e honor aki ta por ehempel Shakira, Ricky Martin, Carlos Santa, Miguel Bose y Placido Domingo. E premionan Grammy latino lo wordo presenta awe nochi na MGM Grand Garden Arena na Las Vegas. E show lo wordo transmit pa Univision cuminsando 8or di anochi.