Trendz

Post Malone, Lil Pump y Bad Bunny principalnan riba e lista di Forbes ’30 under 30 Music Class 2019’

Written by Super User. Posted in trendz

Forbes ta bek cu su lista annual di “30 Under 30”, cual ta pone un lus riba figuranan popular den un cantidad di industria y awo nan a presenta e grupo pa 2019 den e categoria di musica.
Aña pasa nos a wak Cardi B, Travis Scott, SZA, Young Thug y varios otro mas cu a haya un luga riba e lista honorario aki, y e biaha aki 2019 e edicion di musica ta inclui un variedad di genero. Manera pop, representa pa Camila Cabello y Post Malone, hip-hop representa pa Lil Pump, Juice WRLD, 21 Savage y mas, R&B representa pa Syd, rock representa pa Greta Van Fleet, electronic representa pa Madame Gandhi, reggaeton representa pa Bad Bunny, country representa pa Kane Brown, jazz representa pa Cecile Mclorin Salvant y Mexicano regional representa pa Joss Favela.
Post Malone sin duda ta merece e reconocemento, recientemente el a admiti di a gasta 40 mil dollar riba Postmates e aña aki so, mientras cu el a haci un colaboracion sorpresa tambe cu Crocs. Mientras tanto Bad Bunny a uni su mes na e lista di J Balvin como un di e reggaetoneronan mas grandi globalmente.
No tin limite di edad tampoco riba e lista aki, cual ta duna e oportunidad na Grace VanderWaal artista pop di 14 aña pa ta esun mas hoben riba e lista aki den historia, e ta acompaña tambe pa otro hoben artista di pop Billie Eilish y Lil Pump den hip-hop.