Events

Happy Thanksgiving!

Written by Super User. Posted in Events

Awe mundo ta celebra e dia di duna Danki!!! Un palabra super simple berdad pero cu un significacion sumamente grandi. Riba e dia aki nos tin cu tuma tempo pa reflexiona tur loke cu nos ta gradecido pe. Nos bida diario ta asina druk cu nos ta lubida, of e ta djis pasa nos voorbij con bon nos por tin e compara cu otro paisnan of te hasta cu otro hendenan akin a Aruba mes.
E por ta e cos mas simple manera habri bo wowo awe mainta y pa pura y agita cu nos bida ta nos ta lubida di realisa e bedicion grandi cu esaki ta.
Tuma tempo awe, den bo dia druk, y duna danki pa e cos mas chikito cu bo tin ten a e cos mas grandi cu bo tin y tur cos mey mey di esaki. Duna danki na tur esnan cu di un forma of otro ta haci bida mucho mas agradabel. Y or abo caba di realisa tur loke cu bo tin pa duna danki pe, corda duna bek. Loke cu e por ta na esnan cu por ta rond di bo cu na es momento nan aki no tin e asina facil. Duna nan tambe un motibo chikito pa ta gradecido den e bida aki.


Di nos banda nos ta sumamente agradecido pa cada un di nos Clickers and followers pesey mes nos kier desea boso tur, Happy Thanksgiving!