Events

SETAR ta lansa su campaña di Fin di Aña 2018

Written by Super User. Posted in Events

Den e programa “Magia di Pasco” via Telearuba, SETAR a anuncia su campaña di fin di aña cu e tema “Celebra e temporada di duna bek”. Ya e bukinan cu e diferente ofertanan di SETAR ta disponibel y ta keda reparti pa tur cas na Aruba cu e tema e aña aki ‘Celebrate the season of giving’.

Den e revista aki tin un voucher pa yena nomber y adres etc. cu clientenan por tira den un buzon den cualkier Teleshop di SETAR pa participa pa gana automaticamente un premio di fin di aña. Ademas di varios ofertanan hopi atractivo, SETAR lo tin un kerstboom cu 51 bala colga den dje cu ta contene premionan tremendo. Na final di e campaña di fin di aña lo saca un total di 51 cliente di SETAR cu lo gana varios premionan cash y producto. Lo tin 10 premio di Giftbon di SETAR di Afl. 300,- florin, 10 celular Samsung Galaxy J6, 10 premio di Afl. 500,- cash, 10 premio di Afl. 1.250,- cash y 10 premio di Afl. 2.000,- cash. E premio mayor ta Afl. 5.000,- cash.

Un total di Afl. 50.000,- na premio pa duna bek na comunidad di Aruba.

Otro bon noticia ta cu tur cliente nobo of cu renoba cualkier contract di celular (Postpaid U, Regular y Hybrid) of tur cliente nobo y existente cu upgrade of busca nan “SETAR Complete” ta ricibi un voucher pa participa pa gana un trip pa Orlando pa 4 hende (2 adulto y 2 mucha) cu ta inclui 4 ticket, hotel y 4 ticket pa Disney park.

Den campaña di Pasco clientenan por scoge di un variedad grandi di smartphones den paketenan prepaid, hybrid y postpaid pa tur cartera. Abonadonan di Postpaid U ta bay gosa di mas data. Durante e campaña, tur cliente nobo of existente cu cera un contract di 1 of 2 aña di Postpaid U ta ricibi 3 GB acerca di Add-On Data bundle riba e plan pa 3 luna.

 

Paga y gana na e Mashin di Self Service

SETAR lo saca 5 ganado cu e promocion di e mashin di pago popularmente yama “mashin di Clarita” , clientenan cu paga riba e mashin den lunanan di promocion ta participa automaticamente pa gana. Na final di e campaña lo scoge 5 ganado di premionan cash. Lo tin un premio di Afl. 1.000,- cash, dos di Afl. 500,- cash y dos di Afl. 250,- cash.

 

Lo tin un oferta pa clientenan cu ta desea di haya SETAR COMPLETE tambe. Cliente nobo ta haya instalacion gratis, cliente existente cu ya tin 3 servicio y adkiri Setar Complete lo haya 50% di descuento pa 2 luna (contract di 2 aña). Fuera di esaki e cliente ta participa pa gana e biahe pa Orlando pa 4 persona, manera menciona.