News

Sylvester Stallone ta indica cu esaki ta e final di ‘Rocky’

Written by Super User. Posted in news

Tur cos bon tin cu yega na su final el a indica den un mas recien entrevista. Esaki probablemente lo ta e ultimo biaha cu fanaticonan lo wak di The Italian Stalion. Durante di e siman di lansamento di ‘Creed II’ Sylvester a duna hint cu esaki lo ta probablemente e ultimo biaha cu e lo hunga e rol di Rocky Balboa. ‘Mi djis kier gradici tur hende rond di mundo henter pa tuma henter e famia di Rocky den boso curason pa mas di 40 aña’, asina Stallone a skibi riba su instagram. ‘E tabata un privilegio hopi grandi di por a crea y hunga un personahe cu a significa asina hopi pa hopi hende. Y maske cu e ta kibra mi curason, tur cos tin cu pasa y caba un dia.

Mi ta stima boso tur y e cos mas bunita ta cu Rocky nunca lo muri paso e ta biba den cada un di boso’. E comentario aki di Stallone ta sali net despues cu nan a lansa e di dos pelicula di e serie di Creed, cual ta un spin off di e saga di 6 pelicula di Rocky. Den e pelicula nobo Stallone, den e rol di Balboa, ta train e yiu di su ex enemigo cu a bira amigo Apollo Creed. Un serie di e aclama pelicula na 2015 cu a genera $55 miyon dollar durante un fin di siman di fiesta, el a keda na di dos luga despues di ‘Ralph Breaks the Internet’. Apesar cu Stallone ta cla cu e personahe di Balboa, e no ta cla cu tur di nan si. Paso e ta trahando riba e pelicula mas nobo di Rambo cu pronto lo ta riba pantaya.