Health

Anticonceptivo masculino den forma di gel lo wordo getest clinicamente

Written by Super User. Posted in health

E instituto nacional di salud recientemente a sostene un estudio di un gel aplica localmente pa hende homber lo por preveni embaraso, potencialmente dunando parehanan cu no kier mas yiu e anticonceptivo aki como un opcion nobo. ‘Na cualkier momento cu nos por ofrece parehanan mas pocion pa anti conceptivo ta un victoria chikito pa salud reproductivo’, asina e docter na cabes di e investigacion a bisa durante di un entrevista. Humanonan pa hopi tempo a haci uso di anticonceptivo pa preveni embaraso, cuminsando cu e metodo di saca afo y cu a sigui crece pa inclui un variedad di tecnica, medicamento y aparato.

Pero apesar di tur esaki, mehoracion nan den anti conceptivo pa preveni embaraso tradicionalmente a enfoca riba e hende muhe, tin un cantidad grandi di varios forma hormonal, barera, intrauterinario y metodonan di anticonceptivo di emergencia, lagando e homber cu unicamente dos opcion principal, condom of haci un vasectomia. ‘Un forma sigur y hopi efectivo y resersible pa e hende homber como anticonceptivo lo yena un lugar hopi importante pa salud publico’, asina e docter a sigui bisa. Esaki ta loke cu bo mester sa di e gel cu tin na caminda. E formulacion di e gel a wordo desaroya pa Population Council, un organisacion caritativo enfoca riba confronta salud clinico y problemanan di desaroyo. E gel, yama NES/T, ta inclui e componente progestin segesterone acetate den combinacion cu testaterona. E ta wordo aplica na e lomba y schouder di e ser masculino y ta wordo absorba door di e cuero. E progestin ta blokea e producion natural di testaterona den e testiculonan, reduciendo asina e produccion di sperma di nevel minimo pa no existente. E testasterona duna door di e gel ta mantene e gana sexual normal y tambe otro funcionnan di e curpa cu ta depende riba nivelnan adecua di testasterona den e sanger. Maske cu e ta zona simpel, pero asina mes algun docter ta questiona e disenjo di e gel. ‘E aplicacion di gel riba e lomba y schouder di e homber, cu supuestamente ta wordo haci pa e mes, ta mustra potencialmente problematico for di e punto di bista fisico y logico. Con un hende por yega riba su mesun lomba y schouder bon suficiente pa segura cu e gel ta wordo bon absorba y e hormonanan funciona manera mester ta?’. Un otro punto ta si esaki wordo aplica riba un homber pa un hende muhe, e tambe lo por absorbe e hormonanan, cual tambe por tin un impacto riba su funcion gynecological. Ta di keda pendiente di e metodo aki pa wak si berdaderamente e lo funciona manera mester ta.