Psicologonan ta confirma esnan cu ta decora trempan pa Pasco ta mas feliz

Si bo ta un di e famianan cu a saca nan kerstboom y e villa di Pasco caba y a decora esaki desde 1 di november, bo tin suerte. Segun expertonan, decora pa Pasco trempan por haci bo mas feliz, asina ta bo por considera baha bo decoracionnan un poco mas trempan.

“Den un mundo yen di stress y ansiedad, hendenan gusta asocia na cosnan cu ta haci nan feliz y decoracion di Pasco ta saca e sentimento fuerte di mucha,”asina analista psicologo Steve McKeown a bisa. “Decoracion ta simplemente un caminda p’e emocionnan magico di infancia. Pone e decoracionnan di Pasco trempan ta emocionante!” Esey ta mustra di ta suficiente logico.

Psicologo terapista Amy Molin ta di acuerdo, splicando cu decoracion di Pasco por hiba bo bek na temponan senciyo, por lo menos mentalmente. “Nostalgia ta yuda hendenan link nan pasado personal, y ta yuda hende compronde nan identidad. Pa hopi, poniendo decoracion di Pasco trempan ta un forma pa reconecta cu nan infancia.” Tambe el a indica cu esey por yuda esnan cu a perde un hende y nan ta sinti mas cera di e ser keri, poniendo acerca cu “decorando trempan por yuda nan sinti mas conecta cu e individual”.