Kevin Hart ta cancela di ta host pa Oscars y ta pidi disculpa pa tweetnan homofobico

Oficialmente Kevin Hart a bisa no na e trabou di anfitrion di Oscars despues cu tweets bieu di dje a wordo publica cu dichonan homofobico, mes ora el a nenga e trabou di anfitrion y tambe disculpa su mes pa e tweets nan aki cu no ta na su luga.

E comediante a bisa cu e academia a dune un ultimatum pa pidi disculpa pa e tweetsnan homofobico of e no por haci e trabou mas. “Mi a nenga e despensa, pakico mi a haci esaki paso mi a adresa esaki varios biaha. Esaki no ta e prome biaha cu esaki ta presenta su mes. Mi a yega di adresa esaki caba. Mi a yega di papia di dje, mi a haci e caba. Mi no ta keda bay bek y bolbe papia riba cosnan cu mi a pidi disculpa caba pe y a papia di dje temponan pasa. Mi a cambia y mi a sigui mi bida pa miho. E mesun energia cu a wordo hinca den busca e tweetsnan aki, mester a wordo hinca den mi contesta na e e preguntanan riba e topico aki cu mi a duna anjanan despues. Nos ta dunando esnan malo riba internet importancia, nos mes ta premia nan. Mi no ta bay haci e. Mi ta bay ta mi mes y para pa loke cu mi ta pensa”, asina Hart a bisa. Algun ora despues di esaki y di a ricibi varios critica riba e topico, Hart a entrega e posicion el a bolbe pensa si e lo pidi disculpa el a keda para riba su punto y a presenta un informacion pa prensa. “Mi a haci mi escogencia pa entrega e posicion pa anfitriona e Oscars na caminda, esaki paso mi no kier ta e distraccion di e anochi mientras cu mester e anochi aki mester celebra asina hopi artista talentoso. Sinceramente mi disculpanan na e comunidad LGBTQ pa mi palabranan menos sensitivo den pasado. Mi dsculpanan pa a lastima otro hende. Mi ta evolucionando y mi kier sigui haci eskai. Mi meta ta pa trece hende hunto no pa habri nan for di otro. Hopi amor y aprecio pa e academia. Mi ta spera cu nos lo por topa atrobe”.