Health

Implante pecho asocia cu un forma no comun di cancer

Written by Super User. Posted in health

Cierto marca di implante di pecho a prohibi su benta na Canada y awor rond mundo ta wordo saca for di mercado, despues di un investigacion internacional den cual a participa CBC News, Radio Canada, Toronto Star y e Consorcio Nacional di Periodistanan Investigativo di Washington.

E fabricante di implante di pecho Allergan Inc., a emiti un recall mundial diaranson pa su implante Biocell y expandor di tissuenan despues cu reguladonan, incluyendo Health Canada, a alerta e compania pa un riesgo halto di cancer asocia cu e productonan aki.
US Food and Drug Administration (FDA) a bisa cu nan a haci un yamada pa un recall di esaki na Merca despues di informacion nobo cu ta mustra cu e implantenan di pecho Allergan cu un superficie di textura ta relaciona cu un gran mayoria di casonan di un tipo raro di cancer Linfatio. E decision aki a bini despues di accionnan similar na Francia, Australia y Canada.
Tanto Health Canada como FDA no ta recomenda hende muhenan cu tin e implante aki pa sak’e, pasobra e tipo di cancer ta uno no comun, pero si ta bisa cu nan mester consulta cu nan dokter si sinti algun sintoma, cu ta inclui dolor y hinchamento.