Trendz

The Lion King a supera un biyon na entrada

Written by Super User. Posted in trendz

E  version digital hiperrealista di The Lion King a recauda, desde su estreno, 1.014 miyon dollar na entrada rond mundo, Disney a informa.
E pelicula cu a estrena dia 9 di juli na Merca, a bira number un den entraa na varios pais, manera Spaña y unda 3.7 miyon persona a mira e pelicula.
E pelicula, realisa door di Jon Favreau pa Disney den “live action” (un tecnica digital cu ta uza potret pa logra un efecto hiperrealista), ya caba ta e di tres mas bendi di aña tras di Vengadores Endgame (32.04 miyon dollar) y Aladdin (26.83 miyon), ambos di Disney.

Ta trata di e re-edition di e clasico di 1994 cu ta conta e nacemento di un rey nobo di selva den pleno sabana Africano: Simba, kende ta idolatra su tata, Rey Mufasa, y ta tuma hopi na serio su mesun destino di Realesa.
Pero den e Reino no ta tur ta celebra esaki: Scar, e ruman homber di Mufasa y antiguo heredero di e trono, tin su mesun plannan, cu ta inclui traicion, dolor y morto.
E lucha pa e teritorio ta caba cu Simba bayendo den exilio, cu e unico ayudo di un grupo di amigo nobo, e mester siña madura y recupera loke ta pertenece na dje pa derecho.