Cambio climatico lo afecta produccion di alimento

Cambionan climatico lo conduci na problema di alimento manera escasez, prijsnanhalto y reduccion di nutricion, esaki tabata e advertencia lansa door di “Panel in Climate Change” di Nacionnan Uni.
Den un informe riba uzo di tereno cu a wordo haci publico diahuebs, e panel ta bisa cu den cierto regionnan, cambionan climatico lo forsa cultivadonan pa haci cambio di loke nan ta cultiva awo debi na factornan manera un clima hopi mas cayente, inundacion, sneeuw y humedad den aire.

E balor nutritivo di alimento lo por cay. Por ehempel, crecemento di trigo na un nivel hopi halto di carbon dioxido lo prove 6 pa 13% menos di proteina, 4 pa 7% menos di zinc y 5 pa 8% menos na hero, segun e panel.
“Nos ta studiando con esaki ta keda traduci den loke nos ta bay come y tambe den e diferente tipo di cultivonan nos ta mira resultadonan similar,” Cynthia Rosenzweig, cientifico investigado principal y hefe di “Climate Impacts Group” di NASA Goddard Institute for Space Studies.
“E bentana ta cerando rapidamente pa baha e emision di gasnan invernadero y pa mantene keintamento na menos di dos grado. Esey ta e principal mensahe di e informe,” asina e autor di e informe Pamela McElwee, a bisa.