Fortnite no ta un wega pa pasa pret so mas pero pa gana placa

Giorgio Calandrelli, 26, tabata hunga e wega Fortnite solamente pa “pret”. Esey tabata te ora di su debut den un competencia grandi di esport aña pasa. E hungado profesionl di Italia, kende ta conoci bou di su fanaticonan como “Pow3r”, a bisa cu el a pasa den diferente problema den su wega di apertura pa impresiona su team nobo.

Un eror accidental cu a sake for di su prome sesion tambe a coste un wega. E torneo tambe ta bay pa consistencia y mata mas tanto pa yega den e top 20-nan. Cada movecion cu e haci ta di gran importancia.
Pa su suerte, nan a ofrece Calandrelli un “comeback”, acumulando 20 matamento online den un wega di un reto special cu a dun’e e premio lucrativo di 10 mil dollar. Fnatic’s Fortnite Team a logra acumula mas cu 100 mil dollar durante henter e torneo.
Y esey ta e tipo di e iceberg cu ta creciendo. Fnatic a bisa e poolnan di premio den e prome aña di un competencia di Fortnite tabata varia di 1 miyon te cu 20 miyon dollar. Aña pasa, desaroyador di e wega Epic Games a anuncia cu nan ta compromete nan mes cu 100 miyon dollar pa torneonan di Fortnite for di 2018 pa 2019.
Mientras cu esports a crece como un industria den e ultimo decada, den termino di placa y seguidonan, su strea – y fanaticonan – parce cada bes ta bira mas jong.
Luna pasa un mucha homber di 16 aña Kyle “Bugha” Giersdorf a bay cu un premio di 3 miyon dollar despues di sali na prome luga den Fortnite World Cup, e campeonato dedica na e popular wega di bataya di trono.
Fortnite a yuda hinca interes bek den esports, cu gigantenan di industria di entretenimento luchando pa saca afo con pa yega cerca di nan. Comcast, por ehempel, recientemente a anuncia cu nan lo construi un arena di 50 miyon dollar pa acomoda torneonan di esports.
Un grupo cu ta haci investigacion den e industria aki ta calcula cu e ganashinan di esports lo surpasa 1 biyon dollar pa prome biaha e aña’ki, subiendo cu 27% for di e cifra di aña pasa. E ta un fenomeno cu e yuda e hendenan cambia di hunga casualmente den nan camber pa hunga pa placa den competencianan grandi.
E ganashi di e hungadonan no ta caba na e premionan di pool. Tin contracto pa team di esports, sponsorship deal y materialnan.
Ademas di Fortnite, tin hopi wega cu a bira pilar di weganan competitivo. Nan ta inclui Dota 2, League of Legendes, Counter-Strike: Global Offensive y Overwatch.