Health

Huma: Mira kico ta pasa bo curpa despues cu bo stop

Written by Super User. Posted in health

20 minuut: Pulso y presion di sanger
Den e mey ora di bo ultimo sigaria, bo pulso di curason y presion di sanger ta baha na nivel normal. Esaki ta bon, pasobra e presion halto di sanger conoci como “the silent killer” pa su efectonan peligroso cu hopi biaha no tin sintoma. Esaki ta inclui ataca di curason, stroke, perdida di vision y hopi mas. Un pulso cu ta hopi lihe ta mas fuerte pa bo curason. E ta causa cansancio, mareo, dolor di pecho y problema pa hala rosea.

12 ora: Carbon Monoxide
Ora bo huma, bo tin 3 pa 15 biaha mas di kimico toxico den bo sanger cu un hende cu no ta huma. Na nivel mas halto, bo por tin dolor di cabes, pulso mas lihe, mareo. E nivel ey ta bira menos un dia despues cu bo stop. Esey a haci espacio pa mas oxigeno den bo ‘red blood cells’ cu bo mester pa bo curason, celebro y otro organonan.

24 ora: riesgo di ataca di curason
Humamento ta e causa mas halto pa atacanan di curason. Bo riesgo ta baha despues solamente 1 dia sin cigaria y continua di baha despues di esey. Si bo a haya caba ataca di curason y a kita sigaria, bo ta baha bo chens di haya otro.

48 ora: sensacion di holor y sabor
Toxico den huma di sigaria ta mata e cel cu ta yuda bo hole y saboria. Afortunadamente, ta mustra cu e celnan aki ta crece bek despues cu bo stop di huma.

72 ora: “bronchial tubes”
Huma di sigaria ta inflama e caminda cu aire ta move den y pafo di bo pulmonnan. Esey por haci mas dificil pa hala rosea. Pero e ta cuminsa bira miho despues di 72 ora cu bo a stop cu e bronchial tubes ta cuminsa relaha. Tambe lo bo nota cu bo energia ta bira miho.

2 pa 12 siman: circulacion di sanger
Inmediatamente e mester cuminsa mehora, pero despues di algun siman of mas bo por nota mehoracionnan mas grandi. Bo por cuminsa sinti e sensacionnan mas facil, bo mannan y pia lo ta mas cayente tambe. Bon circulacion ta vincula cu presion di sanger saludabel, pulso y nivel di oxigeno di sanger.

1 pa 9 luna: funcion di pulmon
Aki ta unda bo por cuminsa sinti cu bo tin mas energia. Bo lo cuminsa tosa menos y hala rosea miho. Cabeynan chikito den bo pulmon, yama cilia, lo cuminsa crece bek. Esaki ta yuda limpia bo pulmonnan y menos infeccion. E funcion di bo pulmon por subi un 10%.

1 aña: salud di curason
Bo riesgo di ambos, esta ataca di curason y enfermedad di curason, ta baha mita di dje cu un humado. Nada otro cu bo haci tin un efecto dramatico riba salud di curason.

2 pa 5 aña: cancer
Huma ta hisa bo riesgo di cierto cancer. Bo por yuda esaki baha door di stop di huma. Despues di 5 aña, bo riesgo di boca, garganta, esophageal y blaaskanker lo ta mita di loke e tabata ora bo tabata huma. Bo riesgo di cancer cervical lo reduci di uno cu no a huma.

5 aña: stroke
Huma ta acelera e formacion di klompi di sanger cu por provoca un derame celebral. Pero 5 aña despues di a stop di huma, bo riesgo di sufri un derame celebral por ta mescos cu uno cu no ta huma.

10 aña: cancer di pulmon
Essey ta dura pa corta bo chens di cancer di pulmon di un persona cu ainda ta huma. Na e momentonan aki, bo riesgo di cancer di larynx y di pancreas tambe ta baha.

15 aña: enfermedad di curason
Pabien! Bo a haci hopi pa bira e daño cu huma di sigaria ta causa. Bo riesgo di enfermedad di curason y ataca di curason awo ta mescos cu un hende cu nunca a huma.