Aruba tin un banda nobo

Despues di preparacionnan haci, a logra lanta un banda chikito cu sigur lo cay na agrado di tur hende, mirando kendenan ta e integrantenan.
E idea a surgi Tommy Lee Halman, kende ta integrante awor di e banda DLS. El a sigura cu e no ta bandonando DLS pero simplemente ta trata aki di un banda chikito cu por toca no solamente den fiestanan publico, pero tambe den fiestanan di famia y na hotel.

Despues di varios reunión y testnan haci, finalmente a logra hinca e banda DRZLLE den otro cual tin 4 integrante. Tommy-Lee Halman y Giliane Wester ta cantante mientras cu tin Markeys Maduro riba piano / synth computer y Joshua Duinkerk, kende ta riba drums.
DRZLLE ta toca tur sorto di genero y nan tarifa ta “affordable” pa esnan cu kier trece un banda den nan fiesta.
Debut di e banda lo ta dia 27 di september den Vibe Bar & Lounge.