Events

Gio Fuertisimo na Aruba!!

Written by Super User. Posted in Events

GIO’93

For di masha hopi tempo caba ta spera riba e bishita di GIO’93 na Aruba, Gibi Doran como lider di e banda no solo conoci pa su exitonan, pero reconoci como creador di ‘ritmo combina’ n’e islanan ABC y Hulanda ta na caminda.Responsabel di esaki a keda busca tur posibilidad pa trece e banda completo (den su constelacion original) for di Corsow y a logra esaki c’un statisfacion programando un fiesta bailabel pa diasabra 30 november, 2019 den Balashi Arena.

Cu e bishita aki ta probecha di celebra ‘Leo Rodriquez’ su hacimento di aña conocido musico di Musical Time y ademas di esaki forma parti di e celebracion cu a bin ta guia Musical Time pa honra su 40 aña di existencia.
Dewars 15, Balashi y tur su productonanta kere plenamente den e Proyecto aki y ta presenta un anochi exclusivo cu Musical Time cu no mester di mucho introduccion, Sound and More cu sin duda semper lo keda e “Reynan di Happy Hour”, e sensacional D’Licious y como invitado special for di Corsow GIO ’93 cu e banda completo.

Un anochi cu sin duda ta pa baila, canta y goza den Balashi Arena cu e lista largo di exito cu masha tempo hopi tabata warda riba djie.
Un combinacion musicalmente hopi bon balansa tin prepara p’e fecha señala, carchi di entrada ta obtenibel Citgo EssoVille y Citgo Boulevard, Early Bird 35 Florin tanten cu tin, general 50 Florin, VIP Standing 100 Florin, pa mesa VIP di 10 persona 1000 Florin di cual bo por escohe un boter di Dewars 15 of Gray Goose, pa reservacion di mesa por yama 594-0129 despues di 2’or di merdia pa nan por atende’bo.

Prepara’bo canta coro di “Den bo hofi, Peña saka, Marisan, Rosa laga Jan bai, Chokoi, Hunta curpa cu Blous, Ba nenga mi Jambo, Rekete Jalurs, Gibirititis, Ba Shuwata, Mekanico, Redashi, Loko loko bo tras, Zome, Mi no por wanta mas y Kaiman Djuku” entre otro Pasobra e lista ta largo.
Esaki lo ta un anochi di ambiente, baile cu su celebracion hunto cu Musical Time, D’Licious, Sound and More y GIO’93”.