Sports

Campeonato 8 Ball Teams Febiar cu un tremendo apertura.

Written by Administrator. Posted in sports

Diabierna 12 di April e 8 teams di e candeloso Old Parr 8 Ball Team Championship dirigi pa FEBIAR a cuminsa den Classic Billiards. Na mesa 1 a enfrenta otro, e dos grandi nan y mas experiencia den e deporte di “Team Pool” bouw di guía y conosimento di conocido Aaron Franken pa Barracuda y Ditto Acosta pa Hut Predators.

Barracuda a demonstra cu no ta por nada nan ta existi 38 aña caba y asina ta pone Hut Predators conoce nan prome derota den e campeonato cu score di 5-4. Na mesa 2 Dragons a enfrenta Maddogs den un batalla fuerte unda maddogs a sali victorioso cu score di 5-4. Na mesa 3 Mira nan Mira nos a topa e team nobo Steelers y no a logra cu e power di Steelers y a perde cu score di 5-0. Na mesa 4 a toca Gladiators contra Toshiba cu ta hunga pa prome biaha den campeonato di Febiar pero Toshiba a demonstra cu no ta por nada nan a drenta den e grandinan paso nan a pasa facil cu score di 5-0 ariba Gladiators. Diabierna awor pa 7:30 e Derby di e 8 teams ta continua den Classic Billiards cu tur 8 teams den action riba mesa berde. Weganan lo ta HoTT Predators vs Gladiators, Steelers vs Toshiba, Mira nan Mira nos vs Maddogs y Dragons vs Barracuda. Pasa Classic Billiards na cunucu abao 24F y disfruta di e ambiente único cu “Old Parr Teams Championship” ta trece cune.
Un danki special ta bay pa Lotto di Aruba tambe na Romar Trading cu nan aporte den Billar.