Buzz

Automobilistanan a haci trafico pega un jam session

Written by Administrator. Posted in buzz

Un grupo di automobilista pega den trafico, cu no tabata mustra di bay move pronto,  riba e highway na Pennsylvania a haci nan traffic jam den un jam musical despues cu dos musico a saca nan steel drums y cuminsa toca.

Metreologo Justin Berk di Baltimore, tabata un di e automobilistanan pega den trafico pa mas di un ora largo sin move bay ningun caminda. Berk a skibi riba su blog cu mas o menos 30 minuut den e trafico pega, el a haya sa di dos automobilista cu ta miembro di un group di steel drums cu tabata preocupa cu nan lo a perde nan proximo toca. ‘Mi a wak e oportunidad pa nos pasa un poco bon y mi ta contento cu mi a logra convence nan pa saca nan instrument eynan mes riba e highway’, asina Berk a sigui bisa. Una bes cu e drumernan, identifica pa Berk manera David Gettes y Paul Downie di Trinidad North Steel Drums, a cuminsa toca e publico cu no a spera esaki a sali for di nan auto y uni nan mes na e ambiente. Den un video riba YouTube di dos minuut largo Berk ta mustra con hende nan tabata bati mas y balia y despues a cuminsa cu limbo na momento cu un di nan a yega cu un palo largo. ‘Limbo y conga line a cuminsa net prome cu e accidente a tuma luga a wordo opgeruimd. Tur eynan tabata bisa ayno nos tin cu stop’, asina Berk a skibi den su blog. Esaki tabata un perfecto caso di traha limonada ora cu bida duna bo lamoenchi. E situacion tabata for di control di tur esnanan e sitio y embes di sinta cunsumi nan a dicidi di sali for di nan auto y disfruta cu otro.