Estudio ta demostra cu hende cu ta publica Selfie den gym tin problema psycologico

Nos tur tin e amigo ney cu ta laga nos sa delaster un cos cu nan ta haci te hasta ora cu nan ta den gym. Wel, for di un estudio a resulta cu posiblemente nan tin un problema psicologico cu ta causa cu nan ta publica asina hopi selfie. Un estudio haci pa Brunel University a haya sa cu hendenan cu constantemente tin cu blof y hala atencion cu nan training nan di fitness tin e tendencia di ta basta narcisista, un problema psicologico na unda cu hende ta haya placer door di admira nan mes.

Tur esnan cu a cambia na potret pa e regenboog riba Facebok tabata parti di un estudio

Mas di un miyon di hende a cambia nan potret di profile di Facebook pa esun cu e filter di regenboog pa asina demostra nan sosten na matrimnio di mesun sexo. Informacion nobo a revela cu e opcion pa ‘Celebra Orguyo’ kisas no lo tabata e miho idea. Segun Daily Mail, e opcion aki berdaderamente tabata un forma pa Facebook haci un test psigologico riba nan usuarionan. Cientifico di MIT Cesar Hidalgo a skibi riba Facebook over di esaki su dia despues. ‘E pregunta tabata ta, con hopi e lo tuma pa hendenan cambia nan potret di profil bek pa normal’. Expertonan ta bisa cu door di pone e opcionnan possible, Facebook a haya e oportunidad pa haya un bista riba con nan por influencia nan usuarionan.

Hende cu wowo blou tin mas chens di bira alcoholista

Hende cu wowo blou y tri coloronan light di wowo manera berde, shinishi of hazel tin un riesgo mas halto den bira dependiente di alcohol cu esnan cu tin un color scur di wowo. Estudio haci na Universidad di Vermont a haya como resultado cu e color di un hende su wowo por wordo asocia cu dependencia di alcohol y cu alcoholism porta genetico. E resultadonan a wordo publica den e revista Neuropsychiatric Genetics.