Music

Janiro Eisden artista grandi di su generacion

Written by Super User. Posted in music

Despues cu den añanan 90 el pone grandi y chikito canta 'Suave' Janiro Eisden a sigui crece y asina bira e artista di su generacion. Fuera di e gran exito ey Janiro tabata conoci pa e artista local cu a trece rap riba e lista di loke Aruba tabata kier a scucha y disfruta. Grandi y chikito tabata sigui su pasonan y hopi for di e tempo ey te awo ta admira e pa su produccion y exitonan.Exitonan a sigui cu por ehempel 'Ladies Night' cu te ainda ta wordo toca pa anima cualkier fiesta. Janiro a cambia pa Niro y el a sigui hiba musica rap ariba.

 Riba e caminda ey mes tambe e tabata maestro di varios  artista local awo y no tabata gusta yuda nan riba nan caminda como artista. Awor aki conoci manera Ataniro y ainda produciendo exito nan Janiro ta colabora cu varios artista local y internacional teniendo e muaica di rap bibo na Aruba.

Artistanan local ta cla pa lansa produccion nobo!!!

Written by Super User. Posted in music

E siman aki lo ta grandi y yena di energia creativo y e biaha aki ta un otro piesa nobo ta wordo lansa. Rocco Franken ft Ritmo Real lo lansa nan cantica nobo nobo e siman aki. Y e lansamento aki lo ta pa islanan ABC, Hulanda y Mundo Completo den un solo shot. E titulo di e cantica ta 'Bo pic nan' y lo wordo lansa 1 di Juni.

Asina ta keda pendiente pa e cantica mas nobo di Rocco y Ritmo Real y Click Tv...

Prince haya morto, e cantante y icono di pop tabata tin 57 aña

Written by Super User. Posted in music

E mundo di musica a perde un otro leyenda. Artista di pop mundialmente reconoci Prince a fayece na edad di 57 aña. E cantante a wordo haya morto na su studio na Paisley Park na Chanhassen Minnesota, asina informacionnan di prensa internacional ta bisa. Polis local a bisa NBC cu nan a respone na un reportahe di un fatalidad na e propiedad ariba menciona.
Fin di siman pasa, Prince a presenta ainda den Paisley Park Dance Party. Algun dia prome, e tabata hospitalisa cu griep pisa despues cu nan mester a baha un avion di emergencia cune abordo na Illinois, segun un otro fuente di noticia internacional.

ORI cu producion nobo ‘Swing Bai Bin’ na caminda pa mas exito!!!

Written by Super User. Posted in music

ORI a bini cu varios produccion cu a sa di tembla e caya y laga tur hende sa cu ORI no a bay niun caminda. Pesey ORI ta release su sigiente single na radionan so pa tur fanatico por solisita e track solamente na nan emisora preferi!
Despues di hitnan manera "Den Haag", "Afterparty", e bachata "Ma Kai", "Down" y "Un Chens"
ORI ta bini cu algu pa e clubnan atrobe! Algo pa bo blaas den bo speakernan y baila bay gol!
E track aki lo ta sigur un dje tracknan cu lo bula dak di tur discotek!
Cu un swing unico anto cu un melodia hopi catchy ORI ta presenta boso cu su single titula :
"ORI - Swing Bai Bin ft. Bryan Rock (Prod by Slick)"


E track aki ta un colaboracion di 2 artista hopi distinto riba beat di un di e producernan mas fuerte na Corsou pa loke ta trata beatnan cu latin flavor.
Slick cu ta conoci pa a traha hitnan manera "Mita Prefera Bai Campo", "Hoy Te Vas Conmigo", "Me Tienes Loco" y hopi mas a sera cabes cu ORI, cu a introduci Bryan Rock na e mundu di muziek cu e produccion "Badgyal Riba Mi" cu a sa di yega #1 na hopi radio emisoranan, a forma un team y traha e bom aki.