Music

‘Dushi Bida’ su video clip ta on…disfruta di dje!

Written by Super User. Posted in music

Despues cu ya caba e cantica aki ta cosechando exito for di dia cu el a wordo lansa awe a habri siman cu su propio videoclip. ‘Dushi Bida’ presenta pa Jeon ft Ataniro ya caba ta un exito y awo cu e videoclip esaki lo crece bira ainda mucho mas grandi. Filma na Aruba mes cu paisahenan bunita y sumamente crioyo cu ta pone tur cu wak e disfruta ainda mas di nos dushi bida riba nos dushi isla. Sigur un tremendo forma pa habri siman disfrutando di bon musica y tambe e Dushi Bida cu nos tin aki. Wak e pa bo mes y disfruta di e tremendo videoclip aki. Manera e creadornan di e exito aki mes ta bisa wak e, disfruta did je y sigui share! Masha pabien un biaha mas na Jeon, Ataniro y tur esnan den e produccion, di berdad Aruba tin talento di sobra!!!

 

Beyonce lo presenta durante di half time na Super Bowl proximo luna

Written by Super User. Posted in music

Beyonce ta bay bek pa e half time show na Super Bowl. Pepsi a confirma esaki na Prensa Asocia diahuebs, cu e cantante di 34 aña lo presenta di 7 di Februari durante di e show na Levi’s Stadium na Santa Clara California. Luna pasa e banda Coldplay a anuncia cu nan lo ta esnan cu lo presenta durante di e half time show.
Beyonce ya caba a yega di presenta den e half time show durante di e Super Bowl na New Orleans na 2013. Durante di esaki e la presenta hunto cu su ex banda Destiny Child.

 

Adele ta anuncia dianan pa tour Norte Americano na 2016

Written by Super User. Posted in music

 

Adele lo ta mas serca dibo na 2016. E cantante di 27 aña di ‘Hello’ a anuncia dialuna cu e lo ta bek na Norte America pa su prome tour despues di cinco aña na 2016. E prome concierto na Norte America ta programa pa dia 5 di Juli 2016 ma Xcel Energy Center na St. Paul Minnesota y su ultimo show lo ta November 15, 2016 na Palacio de los Deportes na Mexico City. Nan lo cuminsa bende tickets December 17, 2015 10or di mainta riba su mesun website.

 

Will Smith ta bek den e area musical den un remix cu Bomba Estereo

Written by Super User. Posted in music

Net ora cu el a mustra manera cu Will Smith a bandona su pasado musical pa semper, corda su ultimo produccion tabata 10 aña pasa, e rapper cu a bira actor a presenta riba un remix cu Bomba Estereo ‘Fiesta’. Smith ta rap na Ingles y despues na Spaño den e track cu a wordo lansa diabierna ultimo. ‘Ora cu nan a bisa cu Will Smith kier participa den e remix cu Bomba, mi no por a kere’, asina fundador di e banda Colombiano Simon Mejia a bisa den un press release.