News

Otro baby real na caminda! Meghan y Harry ta sperando un baby

Written by Super User. Posted in news

Esaki ta e noticia cu tur esnan cu ta sigui e famia real tabata sperando, Duke y Dukesa di Sussex, miho conoci como Prince Harry y Meghan Markle, ta sperando nan prome baby. Pa esnan di prensa cu ta sigui e pareha hopi di serca tin un paar di siman caba ta menciona cu e vestuario di Meghan a cambia basta te hasta cu nan a cuminsa sospecha cu e lo por tabata naestado, despues di tanto speculacion awo e ta official.

Papa Francisco ta compara aborto cu contrata sicario

Written by Super User. Posted in news

Papa Francisco a compara aborto cu e estilo di mata di Mafia, bisando cu e ta ekivalente na contrata sicario pa “kita bida ser humano pa resolve un problema.” El a haci su comentario, esun di mas fuerte contra aborto, durante su audiencia semanal riba diaranson. El a urgi fielnan na e mandamento di no mata.

Arsenal a firma acuerdo di 5 aña cu Adidas

Written by Super User. Posted in news

E team Arsenal di Liga Premier Ingles a fima un acuerdo nobo cu e manufactor di cosnan deportivo Aleman Adidas y esaki lo cuminsa na juli 2019. Adidas lo tuma over pa Puma, cual contract di 5 aña cu e club di London lo termina na final di e temporada aki. E deal nobo aki tin un balor di £300 miyon ($391 miyon) pa 5 aña cual lo termina na 2024.

Awe ta dia internacional di cofi

Written by Super User. Posted in news

Esaki ta un di e bebidanan mas popular mundialmente, y awe Smith & Dorlas a celebra na smaak cu su clientenan. Riba dia Internacional di Cofi bo por a pasa busca bo cofi gratis serca nan pa asina bo disfruta di e dushi aroma y cofi pa habri bo mainta y celebra e dia. E bebida aki tin su beneficionan pa bo salud y tambe ta masha gusta pa habri mainta, preto of cu lechi, cu of sin sucu of te hasta frieu. Su variacion ta grandi suficiente pa tur hende por disfruta di dje manera cu nan ta desea.
Asina ta awe no pasa un dia sin disfruta di bo cofi na bo smaak y celebra e dia internacional di cofi!