Events

Antorcha Olimpico di Rio 2016 ta tuma su prome paso den e odisea Griego

Written by Super User. Posted in Events

Despues di viaha rond su pais natal spiritual Grecia, e antorcha lo bishita Inglatera y E comitee Olimpico Internacional na Suisa pa despues embarca su viahe pa Brasil. Despues cu nan a sende esaki Diahuebs ultimo na Olympia, e antorcha di Rio 2016 a cuminsa su viahe cu lo hiba e rond di e costa di Grecia y na e montanianan di Suisa pa despues e crusa e oceano Atlantico pa Brasil cu ta su destinacion final, Rio de Janeiro.

It's not just a flashback nor a Throwback …It's back to Wong Sheung Wong!

Written by Super User. Posted in Events

Un anochi cu nunca mas bo lo lubida, bo ta corda con tabata prepara paso awe bo tey show me what you got?
Asina mes pa un solo anochi dia 26 di april... unda tur cos a cuminsa! D'-licious huntu cu Prive den WSW. Carchinan obtenibel na Ritz Boulevard, Ritz Savaneta, Captains Conch (ex Classic Billiard) & WSW pa solamente 15fl pre benta!
Na porta prijs ta cambia. Y pa completa e anochi aki el flaco del party, e monarca di ambiente Beatz  Entertaiment tambe lo tey! Zorg pabo tey y hanja e prome informacion di e Celebracion den gran forma pa huntu celebra 5 anja di D D D D'-licious

 

GLW Foundation ta cla pa Miss Teen Aruba International 2016

Written by Super User. Posted in Events

AWE na Divi Links lo instala e candidatanan.
 

For di oficina di GLW Foundation nos a ricibi e informacion cu e commission organisador ta cla pa un otro aña di Miss Teen Aruba International. Esaki ta di 8 aña cu e GLW Foundation ta organisando Miss Teen Aruba International,  unda e presidente George  Winterdaal ta fungi 10 aña caba como presidente, e  tempo ey bou di e nomber di Miss Teen Aruba y ora a funda GLW Foundation a incorpora Miss Teen Aruba bou e capa di Miss Teen Aruba International,  pues a sigui cu e premionan y e formato di e elleccion.   E aña aki e elleccion su thema ta “Color Explotion”. 

E anochi di instalacion y presentacion na prensa lo ta diasabra awor dia 23 di April 2016 na Divi Links di 7or pa 10or.  Durante e anochi aki prensa, famianan y invitadonan por mira kende ta e candidatanan cu lo opta pa e corona maximo di nos hubentud dia 10 di July den Cas di Cultura.  Desde diasabra awor e candidatanan lo pasa den 3 luna di diferente seminarionan, actividadnan social, cultural y tambe lo atende diferente cursonan, photoshooting y hopi mas pa asina nan por representa Aruba dignamente den exterior.  

Koffiemorgen na Colegio San Antonio

Written by Super User. Posted in Events

Colegio San Antonio ta habri su portanan pa Aruba ‘Bin conoce nos scol’

Cu un periodo largo di renobacion tras di lomba y cu resultado spectacular, Colegio San Antonio ta habri su portanan pa Aruba henter pa ‘Bin conoce nos scol’ durante di un dushi dia di koffiemorgen yena di actividad.
Despues di un reapertura masha bunita entre invitadonan, docentenan y alumnonan, diadomingo awo Colegio San Antonio ta invita un y tur pa bin conoce e hoya di scol. Durante di e mainta aki lo tin un cantidad di actividad den cual lo bo por sera conoci un poco mas di cerca cu e scol, su docentenan, alumnonan y tur loke cu e tin di ofrece.